ديوان أكاليل الإلكتروني لسفراء القلم

............

للشاعر رمضان البربري 

..........

...بيحبك أكتر مني...

قوليلي مين فينا الغلطان
ومين كان هيعيش ندمان
سلبيتك في قراراتك
هي إللي وصلتنا للأحزان

هو بيحبك أكتر مني
ونظرة عينية بتلومني
وانتي كمان بتحبية
ولية بتخبي وتبكية

هو زيادة عني بمشاعرة
هو دموعة ليلة وسهرة
هو الأول هو البادي
هو الصادق بمشاعرة

كنت مجرد خطيب أناني
شوفتك حبيتك جن جناني
انبهرت بيكي وجتلك
أبوكي وافق ودعاني

كفاية سهد كفاية دموع
روحي اشفي قلبة الموجوع
وبلاش أكون طعنة ليكي
مهو أنا الأحق بالرجوع

وصدقيني أنا مش موجوع
ولا أحب أكون من دة النوع
إني أعرف حبك واطنش
ولا أعيش عمري مخدوع

ولا تتأسفي ولا تعتزري
التضحية هنا بأمري
أجبر بخاطرك وخاطرة
ودة مكتوبي وقدري