ديوان أكاليل الإلكتروني لسفراء القلم

..........

هذيان قلم :
: محفوظ البراموني :

..........

نسائم الشتاء ..

دقت علينا البيبان ..
سامع خطواتها و ك أني عايش زمان ..

طفل يرقص مع الشتوية ..
مفيش خوف مع زخات المطر ..

يغني ع الأنغام الليلية ..
مفيش خوف مع لدغات الخطر ..

يمسي و يصبح ف النهارية ..
مفيش خوف مع دقات القدر ..

قمر الشتوية ف الليل ..
لا يبالي ..

شمس النهارية ف النور ..
لا تعاني ..

تدفى القلوب ب الشموع دفيانة ..
ب الطيبات ..

عيون الليل ب الدموع سهرانة ..
ب المبكيات ..

تفرح شوية تمرح ..
ب المضحكات ..

تعيش روعة و بهجة و مهجة ..
ب الخيالات ..

أحيانا دمعة و لوعة و رهبة ..
ب الظلمات ..

ل عمر وقته عدى من الزمن اللي كان ..
و فات ..

ل ناس كانت عايشة و النبض وقف ..
و مات ..

بقت الأحاسيس تعيش و الحس جف ..
ع ذكريات ..

أحيانا ..
لها روعات ..

أحيانا ..
لها أزمات ..

أحيانا ..
لها خيرات ..

أحيانا ..
لها نبضات ..

أحيانا ..
لها عثرات ..

أحيانا ..
لها نغمات ..

أحيانا ..
لها صرخات ..

يا ليالي ..
عتمة الشتاء ..

إمطري ..
من السماء ..

قطرات ..
تغسل القلوب ..

المرصوصة ..
ك الطوب ..

إغسليها ..
قبل الأجساد ..

ل ينتشر فينا ..
خير الزاد ..

نقاء الروح ..
ف العباد ..

حتى تفوح ..
ف الأجواء ..

البهاء ..
لا البلاء ..

يا ليالي الشتاء ..
إروى الجفاء ..