........
ضا علي احمد ابو شنب
........
محافظة الدقهلية
ميت غمر
06/12/2018
قصيدتي الجديدة
(مصر يا سفينه)
مصر يامه يا سفينه
الطوفان زاحف علينا
مهما نجري ونستخبي
يعلي هو ويجري فينا
وقف النبض في عروقنا
خلص النور من عنينا
موت الحب في قلوبنا
والعزا خدناه بايدينا
الدموع في عنيناتصرخ
قومي يامه والحقينا
الحقي يامه ولادك
حاولي يامه تنقذينا
جوا ارضك بتلاقينا
دار محمد جنب مينا
دم واحد شعب واحد
اوعي يامه تفرقينا
او تضحي بحد فينا
او علشانهم تدبحينا
مهماحاولو يبعدونا
بنلاقيكي وتلاقينا
او يحاولو يغتالوكي
تلقي روحنا بين ايدينا
مصر يامه يا سفينة
******************
قالو لينا انك بخيله
وان فيكي العيشه نيله
وان مهما نحب فيكي
انتي دايما تكرهينا
واننا بنبوس ايديكي
وانتي للغُرب تبيعينا
للي يوم قتلونا فيكي
واللي عايزين ياخدو سينا
قالو فيكي كلام كتير
وقعونا في قلب بير
يالا بيعو في ارضها
والغفير يصبح مدير
يلا وانهشو لحمها
لحمها زي الفطير
*********************
بس مهما يقولو فيكي
او يجيبو اللوم عليكي
عمري ما اسمح يوم بجرحك
او دموع تجري في عنيكي
لو يخبو في يوم ملامحك
او يزيدو النار في جرحك
روحي تطلع وتفاديكي
لو في مرة تغيبي عني
روحي تبعد وتخاصمني
والقي نفسي جوا همي
والقي صوتي بيناديكي
عمري ما انسي انك امي
وإن شريانك في دمي
وان ياما شيلتي همي
واني لازم ابوس ايديكي
مصر يامه يا سفينة
ليست هناك تعليقات:
إرسال تعليق