ديوان أكاليل الإلكتروني لسفراء القلم

……….

ارجعى
من ديوان/ سيبنى أحلم
للشاعر / مصطفى فريد 

………..

الكل جالك قال سلامتك
إلاّ أنا
الكل اتمتع بصورتك رغم مرضك
إلاّ أنا
مش بخل ولا بعد المسافة
يا حبيبتى إنما
خايف عليك تشوفى دمعى
يألمك فى الضنا
تتصورى
أنا إللى مالك زمام الحرف
وبحور الغرام
مش قادر أكتب كلمتين
هربانه فى عنيه السطور
متحيرييين متشتتيين
بين التمنى والدموع
ضاعت معانى الحرف
وانطفت الشموع
نسيت خلاص كل الكلام
كل الحروف
كل الصور
تاهت بحور الكلمه
فى محيط الألم
مابقتش فاكر منها
غير كلمة بحبك
ودعوة بتقول إرجعى
إرجعيلى زى ما انتي
زى أول مرة شفتك
بابتسامته
وبحنانك
وبغرامك
إرجعيلى بأى لون
لاجل ما أقولك سلامتك