ديوان أكاليل الإلكتروني لسفراء القلم

.............

لحظة
من ديوان/ بيحسدوك على إيه
للشاعر / مصطفى فريد 

...........

رغم القساوة فى حكمها
مش زى ما أنت حسبتها
سبت الحنين ويا الأنين
ياخدك لها
كتبت فوق ورق السنين
كل إللى شفته فى حضنها
إن كان ألم
أو ضوء فرح
نهايتها دبت فى أصلها
وسكنت ضلمة وقبر طين
سألت نفسك وقتها ؟
إيه إللى وقف سكتى
عن مشيها ؟
ايه إللى سكت كلمتى
عن نطقها ؟
إيه إللى خلى نظرتى
تصبح حديد ؟
ومن جديد
ارجع وانا عريان ضعيف
شبه الكفيف
لا خل ولا شايف صديق
غير سجنها
وكأنها كانت سراب
ولا لحظة فيها عشتها