ديوان أكاليل الإلكتروني لسفراء القلم

 .............

وحيد محروس خليل

................

(( نفسي مرة )) رومانسية

نفسي مرة تقول بحبك

وبعطف قلبك تحتويني

ولا جزاء قلبي إنه حبك

تسهر الدمعة في عيني

*

*

*

أنا قلبي ليك كان الأمان

ياما سقاك حب وحنين

وحماك من غدر الزمان

ورواك من عطش السنين

*

*

*

نفسي قلبك يحس بيا

زي أول ما أتقابلنا

وترجع الفرحة لعينيا

وتفتح ورود الحب مابينا

*

*

*

نظرة عينيك كانت الأمل

وآه لما كنت ألمس إيديك

فيها بشوف أحلى الجمل

والدنيا مش سيعاني بيك

*

*

*

كل حاجة فيك وحشاني

وعارف إنك أكيد مشتاق

وممكن تبيع الدنيا عشاني

ولا هتسمح يكون مابينا فراق

*

*

*

خلي قلبي يعيش في قلبك

ويسمعه حتى من غير صوت

أملي ومنايا إني أفضل جنبك

دا بعدك عني معناه الموت

*

*

*

نفسي مرة

بقلمي الشاعر/ وحيد محروس خليل