.................
أحمد الصاوي
............
( ؛ ؛ ؛ مصطلح الوطن ؛ ؛ ؛ )
بيوصفولنا الأمل
واحنا عارفينُه
شاخ فينا يوم متولد
ولسه زرعينُه
لا استنى يوم ينحصد
نفرحبُه ونشيلُه
قال أيه وليد واندفن
وكتبنا يوم ما اتقبر
ميت خلاص واتغدر واحنا عذرينُه
لا بإيدُه كدا موته
أو حتى تكفينُه
لا بإيدُه صرخة حياه
أو عزم يشكِيلُه
صامت يا ناس وخلاص
ما هو الأمل إحساس
بين الضمير والناس
ويا ويلنا م الإفلاس
يوم أنا والناس
ماشيين كدا ونضِل
أو العقول تختل
كلامي مش للوطن
كلامي للأُمه
أكبر كتير م الوطن
وحتى كلمة وطن
تصغير قوي لأُمه
وعرفنا دا مُصطلح
يحجز خِراف جوه
يرسم كدا حدُّهم
وبراعي معاه عِزوه
ساهر على سلكُهُم
ألا الغنم تقرا
لتقوم فى يوم تثغي
أو حتى يوم تِدّرَى
إن الوطن مش حد
أو سلك ياد ينشد
إن الوطن مُسلم
وحدّودُه مكات تتحدّ
قولوا لصغارنا كدا
لجل الأمل يمتد
لجل النهار يطلع
مش كل الطُرُق تنسد
وغريبه منعرف بعض
ألا بخبر من سطر
أو حُكم يوم يتقلب
أو حتى بحادثة قطر
أو شبر يوم يُغتصب
ونأمن ونُبتر بتر
ونطبّع بلاه الستر
ونتسامى فى عز الضُهر
مين يلحق يحوذ القهر
........ ..... ... .. . .
أحمد الصاوي مصر ٢٢ / ٥ / ٢٠٢٠
ليست هناك تعليقات:
إرسال تعليق