................
الزروقي جواد
البلد: المغرب
.............
كورونا القاتل ****
قالو هدا مرض خبيت أخونا
قالو سميتو كورونا
معرفناش واش فيروس بصح
ولا بغاو به يخلعونا
وعلى فمنا يكممونا
نشوفو وحنا ساكتين
العين تشوف والقلب ينين
جسم خايف يدبل و يضعاف
يولي فباب المستشفى شاد الصف
زيد نتى أرا نتى صافي بلا متحلف
دور وجهك لهيه
راه تقدر بالمرض تعاديه
كلها وخايف على راسو
ولا ساكت غريب
بين حبابو وناسو
حز في نفسي شلا كلام
ولا يتقال على هاد المرض الفتان
وكثر عليه القيل والقال
راه صعيب راه قتال
وهما مغادي يلقاو ليه الحال
وغادي يبقى الحال على هاد الحال
حتى لعند مول الحال
بقلم : الزروقي جواد
البلد: المغرب
ليست هناك تعليقات:
إرسال تعليق