................
عمر بنحيدي
.............
بمناسبة تامن مارس ، العيد العالمي للمرأة، أهدي هذه القصيدة المتواضعة لكل النساء .
قصيدةزجلية : الباقة.
ف. بستان الزين
تحير العين
مابين الياسمين
و بٓلْعْمان
زينهم يهٓبّٓلْ
.لكن قْدّامك أ لزين
صار مبهْدل
طاح عليه الدّٓل.
أش نهديك ألعمر ؟
الحنة والتمر
ولا القمر؟
حتى هو شحاب
شاب و عاب
مني ضووك ف. العلالي
بدا يلالي
أنتِ حبي
رفيقة دربي
نهديك قلبي
باقي ف. ميكتو
ما شاف
ما تشوف
حليب مو
بين ضراسو
ماعندو غير نيشان
َو حب الله و الإنسان.
فرح أقلبي
وزيد قٓدّمْ الباقة
لصاحبة الأناقة
بكل أدب ولباقة
وتمنى ليها الخير
والخمير
والنعيم والحرير....
عمر بنحيدي 2020 /8/3
ليست هناك تعليقات:
إرسال تعليق