..............
عبد الكريم خلان
............
الغلطان
سبحان الله الهادي المنان
هو العالم بالمخبي في صدر الإنسان
نسعاوه كاملين الرحمة والغفران
ضياق الحال وفي طريق الخسران سار الإنسان
غابت التقة وكتر البهتان
شلا عباد غواهم الشيطان
طغا وتجبر هاد الإنسان
بالغدر حسب راسو من الشجعان
ليالي حمرة قدام العيان
نسا ورجال كل شي سكران
غالط في حياتو سالك طريق الخسران
سألتك يا رحيم يارحمان
أنت القادر تهدي الغلطان
رجايا فيك يا منان
راني في دجايا ديما سهران
جراح قلبي دمات تايه غرقان
ضرني خاطري من شفاية العديان
كيف نسمح في نعمة الاسلام
دين محمد العدنان عليه الصلاة والسلام
جانا بالبيان من خير الأديان
على الصدق والوفا جاب برهان
عيب الغدر وعار تنكر لحسان
ياربي آش هاد البهتان
الخو من خوه طلب الجفاء
والصاحب للعهد والوفا خان
هاد الشي ماهو مزيان ولا يرضي الرحمان
ولا كان من طبايع إنسان
كتر الهجر وزاد الخصام
اخوك في جنبك ما تصيبو
ورضى الحبيب يخون حبيبو
كيف نصبر وعقلي حيران
مليت حياة التيهان
على الدوام نطلب ضو الفجر يبان
كيف نسكت وتغرادي في دواخلي يكويني بنيران
سألتك يا رب ويا رحمان
أنت وحدك القادر ترد بعبدك الغلطان
من كلمات أخوكم في الله
عبد الكريم خلان
ليست هناك تعليقات:
إرسال تعليق