ديوان أكاليل الإلكتروني لسفراء القلم

................

صبري السعدي

...........

(تفاح لبناني)

اشوف اعله البعد

تفاح احمر طوخ..

وروحي اعله الطعم ملهوفه وتعاني...

الصبر فاض وتبده

وروحي حنت ليك..

اشلون اتهيد روحي وطعم لبناني...

احسك من بعد

طعمك لذيذ اهواي..

شافي الكل علل لو ضكته بلساني...

يالمبعد عليه

اشلون بيه اشلون..

اخاف ايطول بعدي او يوم تنساني...

شفتك من بعد

كلبي تعلك بيك..

وصورك لو شفتها اتهيج اشجاني...

مرات ابتسائل

خاف تهجر يوم..

شو لحضة تسائل خطفت الواني...

تعال اشلون بيه

الروح هامت بيك..

صدكني اعله بعدك كثرت احزاني...

بس عندي امل

لابد اشوفك يوم..

وبسمع بأعلى صوتي القاصي والداني...

اصيح انه بحبك

يا حبيب الروح..

ياجنة حياتي او اعذب الحاني...

تعال..

تعال..

تعال اشلون بيه

الروح هامت بيك..

صدكني اعله بعدك كثرت احزاني...

صبري السعدي

العراق