.............
راغب قاسم الشويعر
ع.................
محاولات مع فن الواو
زرنا كده مره ع الماشي
وان غبت شوف مين حيجيلك
في بعدي حالك عال ماشي
و انا اللي صلي و حج لك
أنا بعت الغالي في سبيلك
و سبت الدنيا دي علشانك
ليه ماشي ورا اللي سب لك
وتركت اللي علا شانك
انا ليه ابكي ع اللي باعوني
و افتكر الآسي اللي نساني
يا قلبي كان الله بعوني
صابر من دون الناس آني
أنا مهما أجيبلك و اديلك
عمرك ما شهدت لنا مره
لو كان م الدهب وادي لك
تقول عايش عيشه مره
عمال مع كل الناس تلوك
و تحكي دايما ع الماضي
و عاملي انا ع الفيس بلوك
رافع علي سلاح ماضي
تعمل بلاوي و احاسب لك
أقول يمكن ينسي عيبه
دنا عمري تاني ما حسيب لك
فعل الشيطان و ألا عيبه
لا تحكي عني لاحبابك
ولا عاد تجيني ولا اجيلك
وان جيتلك يوم أقفل بابك
يا ساقينا المر بفناجيلك
ما خلاص يا خاين راح اسيبك
جددنا العهد علي التوبه
خليك داير مع محاسيبك
و لا بين كلام و لا عتوبه
تأليف راغب قاسم الشويعر
عضو اتحاد كتاب مصر
ليست هناك تعليقات:
إرسال تعليق