................
عمرو تمساح ابوسفيان...
...............
براءة طفل
*********
زمان لما الحياه كانت
براءه طفل كان فرحان
بيستنى أما جده يعدى من جنبه
عشان يديه الغموس والعيش عشان جعان
ويلعب بره ف الفسحه اللى عند البيت
يلم اصحابه ويجمع .... يقول أنا جيت
وكنا عيال بنستى السما لما ...... تمطر ضى
تنور كل شوارعنا ....... وتسقى الحى
سعتها كنا نحلم أننا نكبر
عشان للأرض دى نحرر
لكن دلوقت عكس العكس
بقينا خايفين من الحاضر
بنهرب منه للماضى اللى كان حارس
ونكتب خوفنا ف مدارس
بنتعلم فيها الصغير سهل
ولو كبر الجبان يبقى ف قلب الوحل
درسنا فيها ان بلادنا دى وحده
وان الضعف فرقنا ... بنشكى منه بالوحده
لكن دلوقتى حان الوقت بان بلادنا دى ترجع
شديده قويه بالوحده
ونرجع بالتاريخ تانى
نعوض فكرنا السامى
وترجع تانى امجادنا
بتحكى تقول دى عنوانى
ويكبر فيها جيل ورا جيل
نقول حرر وجاب تغير
ف ارض جدوده عاش راجل
بيكتب قصه للتحرير
بيروى زرعها بدمه
وروحه تروح ولا يهمه
يكون واقف اسد ضرغام
بيحمى ارضها بدمه
***********
عمرو تمساح ابوسفيان
ليست هناك تعليقات:
إرسال تعليق