...................
صقر الحروف الزجال بوسبولة المحجوب
................
//////+++ ومعايا ياحرفي +++//////
خليوها كل لحظة تصحى
ف خيالي تسعد ما تمحى
نصغى لخرير ديك لقصيدة
تروي الناس من حروف جديدة
من بحر لكلام كل مخبي
كل شهدة من بسمة قلبي
سمحوا ليا عايش هبالي
وانا للي مالكني خيالي
خلاني واحد من العشاق
ننقش ف بالي وانا دواق
راكب عودي مسافر مع الروح
في سربة لمحبة والبوح
خطوة خطوة وانا غادي
فوق جبال وثراب بلادي
ومعايا حرفي مونسني
عودي رفيقي املازمني
ولجامي فيدي سر سماحة
اندندن وانا ف سياحة
عودي خطواتو ومساوية
حركت حروفي بسرار داوية
وحوافرو ترسم كل جميل
رقصت معاها انسيم لعليل
ياك خلقت ف دواخلي فنان
قاري سواري شاد الميزان
وانا للي وجدت هدا الشلال
لمسايرني في هد لهبال
ويكلمني وانا صاغي
وانا سامع راضي باغي
داير وسط الناس امكاني
وسط لزهار واضع الواني
//////+++ بقلم صقر الحروف الزجال بوسبولة المحجوب +++//////
في 1 مارس 2020
ليست هناك تعليقات:
إرسال تعليق