ديوان أكاليل الإلكتروني لسفراء القلم

...............

إسماعيل الطواب

...........

محلا الربيع
--------
محلا الربيع لما يرعرع
بجماله ف الدنيا أبدع
تلقى الشجر زاهي ملعلع
بتاج م الخضرة اترصع
***
ربيع قلوبنا بيتباهي
بالحب عايش جواهه
والفرحة هاله ف سماها
والحزن ليله بيودع
***
محلا الربيع ريحته ذكية
والدنيا بيه راجعه صبية
بجمالها بين خضره وميه
تلقاها ماشية بتتدلع
***
محلا الربيع لما ندانا
وقلوبنا عطشانا روانا
والحب صوته جوانا
حيغني للدنيا وتسمع
********
بقلمي
إسماعيل الطواب
.