.................
بسيوني صديق
...........
دنيا وفيها العجب
الشاعر والأديب بسيوني صديق
*************************
دنيا وفيها العجب
علي كل لون ياباطيسته
نبدأ كلامنا بالأدب
ليلتكم فل نهاركم قشطه
الله يجازي إللي كان السبب
خلانا ندادي خلانا نطبطب
************
الصنف الأول
عن الرجاله
ماحدش يزعل
مني يارجاله
قاعدين ع القهوة
مش فالحين
إلا في شرب الدخان
هات يالولو الطاوله
نلعب ونفرفش
زي زمان
فاضي وعاطل
جو مورستان
خايف يروح البيت
علشان المدام
طلابتها كتير
خليته طفشان
يدخل ويخرج
تعظيم سلام
تقوله ياراجل في إيه
ده انت كنت سيد الرجاله
أمال دلوقتي
أبقي إيه
ماهو انتي
برضه كنتي غزاله
أبوس إيدك
راجع تعبان
أرحميني
أنا عاوز انام
دنيا وفيها العجب
علي كل لون ياباطيسته
**************
الصنف التاني
عن الشباب
عيال هبلاني
عيشتها هباب
دول شباب الأنتيكا
بطبله ورق
عاملين مزيكا
بندق وروشه
وعلي ويكا
حياتهم هجص
وبو لوتيكا
ودول شباب
الحشيش والبانجو
تعالي يا عكاشه
تعالي يامندو
هات لفه ومزه
نعيش ونهيص
والباقي نحطه
جوه البلاليص
ياخويا شوف شكلك
وكفاية ذنوب
حرام تاه عقلك
تعالي وتوب
دنيا وفيها العجب
علي كل لون ياباطيسته **************************
ليست هناك تعليقات:
إرسال تعليق