..........
....أحمد الناصري.....
................
ما نضمن راسي واش نعيش
ؤلا انا رقم من اموات كورونا....
الاجل من الله فيه ماندريش
والفيروس غصة فالصدر مدفونة...
وباء ما يعزل بين حيش وريش
والستار الله ،على بلدان طغات الملعونة..
مابقى سكات ، واش زيزون مايدويش
والموت ولات جاية لينا مضمونة...
كلشي خايف ..الخاين مع الدرويش
وأمر سيدنا بالحجر الصحي خطة متقونة..
حب بلادي واجب من داري ما نمشيش
وفحق أولادي متبع لي بيه السلطة علمونا..
جمعنا لولاد . والجيوب خاوية من البقشيش
والفقر ماشي عيب بيه تنعتونا...
الصريرة عشر ايام للصيار ما تكفيش
يامالين الصنادق منهم لله مددونا...
شوفوا من حال الاجير والدرويش
وشلا ناس من قبل وهي مطعونة....
شعارنا الله الوطن الملك وومغربنا يعيش
وبقى فدارك باش ننتصروا على كورونا....
يعلم الله واش ننجاو والموت منا ما تديش
نترجاو الله غ يبقاو لحباب لي يدفنونا....
......اللهم الطف بنا يارب......
........أحمد الناصري.....
ليست هناك تعليقات:
إرسال تعليق