ديوان أكاليل الإلكتروني لسفراء القلم

..............

الجوهرى عبدالله

..........

/غياب\

الغيبه..طالت

والشمس مالت..

للغروب..

لمت شعورها..

من الدروب

لا حس ليها..

ولا خبر

استنى ايه..

لو غلبنى الضياع

وعمرى ضاع

وانا منتَظر

حنّيّه تيجى

من حجر

انا بشر..

جوايا قلب

فى خطر

انا مين انا

جسد هنا..

مغمور انين

والروح هناك

ثمرة حنين

بينهم جنين..

شوق اتولد

لاعنْده صبر

ولا اشارة إنتظار

يقطع مسافات السفر

من غير كلل..ولاملل

يبحث عن طيف ظهر

صبحه اختفى

ورا الضباب

والشوف وهم

والكون سراب

فكرى اتهلك..

من كتر ماتخيلك

ارمى عليّه..

حته منك

تعالى اضمك..

اشم ريحتك..

وحشنى ضيّك ياقمر

ارجعلى..

يرجعلى البصر

جوهريات