ديوان أكاليل الإلكتروني لسفراء القلم

...............

هذيان قلم :
: محفوظ البراموني :

...............................

أقر و أعترف ..

بعد سنوات عمري ال 55 عام ..

الحياة ضحكت علينا ..
و على اللي بعدينا ..

اللي عايشين معانا ..
و اللي ماتوا قبلينا ..

الكل وقع ف فخها ..
الكل مساكين ف حبها ..

حسستهم إنها الأعنف ..
و هي المسكينة الاضعف ..

ظنوا إنها الدايمة ..
و هي العنيفة الفانية ..

افتكرو إنها العايمة ..
و هي الغريقة النايمة ..

نايمة نوم الموت ..
مخيفة إيديها مش طايلة ..

أمواجها ساعات عالية ..
ملهاش غالي و لا غالية ..

الحقيقة حب الدنيا ..
أوله و أخرته هلاك كل ثانية ..

ب نغمض عنينا عن الحقيقة ..
بعدها لا ندم و لا آسية ..

و آه من اللي تسحبوا جواها ..
تسيبه بعدها يقع ف هواها ..

و اللي طمعان فيها ترمي له الطعم ..
و تخليه يحبها و يقع ف اليم ..

يغرق و يغرق ف عمق حبها ..
و بعد ما يموت كأنه ما عاش لها ..

الإنسان الغفلان ..

كان عندوا إحساس ..
إنه كسبها و ركبها ..

لكن إنخدع ف الأساس ..
بعد ما مشي ف مناكبها ..

هي اللي داسته ب المداس ..
بعد ما ضحكت و شربها ..

ليه الدنيا دايما نشتمها و نسبها ؟؟
مع ان البشر هما اللي سبب شرها ..

آه يا إنسان ..

لو عشت فيها ..
من غير طمع و تحب معاشرتها ..

تعيش معاك ..
من غير لوع و تغرق ف خيرها ..

لكن البشر ..
سابوا خيرها و حلاوتها ..
و هى عليهم ضحكت ضحكتها ..

هذيان قلم :
: محفوظ البراموني :