ديوان أكاليل الإلكتروني لسفراء القلم

...............

‏عوض خفاجة‏.

..................

...إتواعدنا.....
إتواعدنا من سنين
إنى ليكى وإنتى ليا
وحلفت لك مليون يمين
إنك إنتى نور عنيا

بس دنيا وهى دنيا
مرة آسية
ومرة ناسية
مرة تدى
مرة تاخد
ومرة تبئى مفترية

بس بردو مهما تإسى
عمرى يوم ماهقدر أنسى
إنى ليكى وإنتى ليا

ضحكتك هى النهار
دمعتك ليا إنكسار
إنتى قلبى
إنتى منى
إنتى كل الدنيا ديا

مليون بحبك قولتها
ولا كفو كيش
مليون رسالة كتبتها
غيرك ماليش

ياحبيبتى بكره يلمنا
أنا وإنتى بس
وتشوف عنينا حلمنا
وكمان نحس