................
الشاعر رضا علي احمد ابو شنب
..............
محافظة الدقهلية
مدينة ميت غمر
قصيدة
(يا ام الصابرين)
الفئة عامية
يا ام الصابرين
يا ام كل الطيبين
لو في مرة يدقو بابك
يدخلوكي امنين
واللي بيعادي جنابك
يبقي ضايع من سنين
طول تاريخك وانتي حرة
مهما تبقي العيشة مرة
او يموت فيكي الجنين
في المداين انتي زهرة
طول حياتك وانتي طاهرة
فيكي زينب والحسين
لما يوسف عاش في ارضك
كان يصون وياكي عرضك
حتي في سجنك يحبك
عمره مرة ما كان حزين
انتي يا بلادي الحضارة
اهراماتك من الحجارة
والمداين علي الجوامع
والكنايس جوه حارة
لما يدعو نقول امين
اللي يجي عليكي يامه
او يكون فرحان بلمة
نطحنه يصبح عجين
اصل حبك جوه قلبي
مش مجرد كلمتين
لو اداري الشوق واخبي
القي اسمك علي الجبين
***************
يا ام الصابرين
انا عاشقك ودرويشك
روحي فداكي تطير
لو قصو يوم ريشك
دانا ابنك اللي تمللي
بيعيش علي عيشك
رافض علشانك حرير
وهدومي من خيشك
لو يخطفوكي الطير
ابقي شهيد جيشك
******************
يا ام الصابرين
انا بيكي بقيت مفتون
لوتسكني قلبي
ميهمنيش الكون
بعشق تراب ارضك
واعشق سمار اللون
من كتر حبي يا مصر
عقلي صبح مجنون
ولا احب عيشة القصر
ولا عمري ليكي اخون
دا الارض دي عرضي
ولعرضي لازم اصون
لو هونت انا واهلي
عمر ما بلدي تهون
وادعي كمان ربي
جواكي اكون مدفون
جواكي اكون مدفون
يا ام الصابرين
يا ام كل الطيبين
ليست هناك تعليقات:
إرسال تعليق