ديوان أكاليل الإلكتروني لسفراء القلم

..................

بقلمى عبدالمنعم عدلى

...............

الله عليك يامصر
عبدالمنعم عدلى..مصر
الله عليك يامصر
والله على ولادك
فى كل عصر
عبادة وعمل
والعمل عباده
الله عليك يامصر
فى عاملة نظافة
وسائقة تاكسى
وبائع الورد
دول ولادك يامصر
مهندس ودكتور ومدرس
الكل واقف
معاك يامصر
الكل بيمد إيده
ليك ويفتحر إنه
إبن مصر
وكمان فيك اللى
بيقوم من النوم العصر
وهو مش عارف
هو رايح فين
ولا جاى منين
الله عليك يامصر
البنت فيك تساوى
ألف راجل
ولدت فى منبع الفقر
ولاهمها كلام الناس
وراحت تشتغل
وتشعل ثورة الإحساس
الله عليك يامصر
دم ولادك سال
فى صحارى الرمال
والأم تنده وتقول
فداك كل العيال
ولو شاءت الأقدار
لحملت السلاح
وأحضن رمل بلادى
وقول تحيامصر
وتعيش يامصر
وإنت ست كل عصر
الله عليك يامصر
وإنت عروس
وادى النيل
يابهيه ياللى
ريحك تملى
فى الغربة
يملئ قلبى راحة
بحبك يامصر
والله عليك يامصر
دإحنا ولادك
فداك فى
كل عصر
بقلمى عبدالمنعم عدلى