...............
مهندس حسن سعد السيد
..................
شهداء تسعه
،،،،،،،،،،،،،،،،،،،،،،
كـلنـا يابنى اولاد تــسعـه
كلـنا دايما للــخير نســعى
ضابط جندى كلنا أيد وحده
لكن بينا فـيه ناس بــجحه
لما وِلاَدْنَا تــموت ع الـجبه
تـلـقى جـوه عـنيهم فرحه
تلقى شماته وكلمات جـارحه
فـارس مغـوار حـارس بـلده
خـايـف حــد يدنـس ارضـه
عارف إن الارض دِى عرضه
يَامـَا بـِعَـرقه رواهــا ودمــه
اخر كلمه سمعها من امه
مصر يا ولدى صنها امانه
إللـى يقصـر فيـها خـيانـه
طبعا امى نصيحتك غاليه
مصر فى قلبى مكانه عاليه
انا واصحابى هنا فى الوحده
كــلنا امـى هــنا أيـد واحــده
اسود فى قلب الصحرا الواسعه
وديان وكهوف وجبال مرتفعه
وسـط إخـوتنا جيره وعـشره
مفـينـاش خاين كـلنـا اسـره
كـلـنا واحـد ساعـة الــعسره
كـلـنـا امـى أمـلـنا فى بكـره
صـوره يا امى كـدا للـذكـرى
فجأه هجوم إستغرق لحظه
ناس مفيش فى قلوبهم رحمه
ساد الصمت استشـهد تسـعه
انت يا امى نصيحتك غاليه
عـمرك يا ابنى مينقص ثانيه
لابسه التوب الأسود رابطه الطرحه
خاصمت عينك امى ليه الفرحه
وحياة حبى ليك بلاش الحسره
كــنت اتـمـنى اشــوفـك بـكــره
صورتى معاكى خلاص للذكرى
،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلماتى
مهندس حسن سعد السيد
فى رثاء اسود سيناء على الجبهه
ليست هناك تعليقات:
إرسال تعليق