.............
ألشاعر/أشرف ألقاضي
............
(رسالة من ألعالم الأخر)
هبدأ كلامى بالصلاة وبالسلام
على ألنبي خير الأنام
أليلادي شفت أمي فى ألمنام
بتوب بياض
مش كلام....
هى....هى
حقنيه....
نفس ألعزيمة وألعناد
جاية وأيدها
ع ألزناد....
قوم ياواد
أصرخ بصوتك ع ألبنات قبل ألولاد
عملتوا أيه فى تعبي وشقايا
ضيعتوا ليه حق ألربايا
حرمت نفسي من كل زاد
عشان تنام...
خسارة فيكم ألعلام
ماحد جاهد...ولا قال حرام
مش لسه أمة أسلاميه
تهون عليك غزة حبيبتك
أللى سهرت ألف ليل
تغزل فى شالك وتوب عروبتك
يدوسوا شرفك فى ألتراب
ينهشوا فيه ألكلاب
قال ونايم ع ألكتاب
ألعلم نور....ياعقول ضلام
كفاياكى ياامه م الكلام
قولى سلام....فجرك طلع
ورحمة أبوي ماتقلبي فيا ألمواجع
معدشي كل كلامنا نافع
مابقاش كلام...بقيت مدافع
أقولك أيه
أقول وحوش
باعوا ألجيوش
باعوا ألتاريخ بحبة قروش
باعوا بخسارة وماشتروش
وأستثمروها فى ألكروش
أقل كرش...قد البجع
علة فى قلبي وكوم وجع
قوم ياواد....تبقاش خيرع
أنا وأبوك مطمنين
بيقول عليك( عربي) جدع
سايب ورايا (وتد) متين
مايطاطيش
مايتحنيش
هو بطوله....بألف جيش
يشدوا فيه (مايتقلع)
شايفة حمولك قد ألجبل
عارفة همومك تهد حيل
فوق كتافك هم جيل
وعارفة كمان أنك (جمل)
مهما يقاسي م ألحمول
مهما يعاني يرفض يقول
م ألصبر كل ....لماشبع
لسه فيه بنا كلام
أهرب بروحك م ألجحيم وم ألضلام
قول حرام
ألله حي
وبكرة جي
ع أللى شاف وأللى سمع
علة فى قلبي وكوم وجع.
........ بقلم......
ألشاعر/أشرف ألقاضي
ليست هناك تعليقات:
إرسال تعليق