..........
احمد طلبه
....
رسايل مخفيه
=========
الرساله العشرون
============
محبوبتي
بعد السلام
بعد الموده واللي عدا
واللي باقي لألف عام
بعد الحنين
بعد السنين
يا عشق نفسي يكون حلالي
وانتي قولتي انه حرام
ويا وجعي
ويا تعبي اللي جوايا عشان إنسانه حبتها
يا واحده عايشه ويايا في كل رساله بكتبها
بحس بالحياة فيها ترد الروح وتسعدني
واكلم نفسي اشكيها ولا الشكوي دي بيتفدني
غرمها بجد موتني
وحسسني
إن الحياه من بعد منها ماتسويش
إني حاله حب عايشه لكني مش عارف أعيش
أصلها لسه في دمي وهي همي وروح عشقها
بس قلبي ليه ظلمني وقالي اني مش حببها
قالي مهما كتبت ليها
انت بردو مش نصيبها
إفهم الدنيا اللي راسمه عليك بجد تكون ضحيه
الف معني بين رساله اسمها رسايل مخفيه
هي دي كل الحكاية
تعيش وحيد في الدنيا ديا
قصه الحب اللي فيك
هي معني المسؤليه
كنت عايش بيها عمرك
فجاءه طلعت مسرحيه
============•=====
مـ البدايه وللنهايه كنت صادق في المشاعر
بس معني دي الحكاية عمرك انت ماعدش راجع
حد سامع حد فاهم أي حاجه
أيوه ترضا باللي فيك
ليه تقلَب في المواجع
هي ليلي وحب فيك
عشق كان باين عليك
حلم باقي من ماضيك
عمره مااتحقق عشانك
بس طبعك ليه مسامح
حزن مش واصفه الملامح
تدعي للي بجد جارح
يبقي يفرح يوم مكانك
قلبي راضي بالحكاية
هي هي دي النهايه
لو هكون رخيص عليها
هي غاليه كتير عليا
قصه الحب اللي فيا
هي معني المسؤليه
كنت عايش عمري ليها
بس طلعت مسرحيه
===================
احمد طلبه
ليست هناك تعليقات:
إرسال تعليق