.........
بقلم صقر الحروف الزجال بوسبولة المحجوب +..............
............
//////+++ ديك الدار +++//////
ديك الدار للي نسيناها
من شوفتها نشفى نرتاح
وللي معرف مكانها راها
كانت فيها مسرة وفراح
كانت الجلسة فيها بهاها
كان جمع لحباب يشفي لجراح
عود السربة فيها يصهل
والخير مذفق زاد وكبر
ديك الحركة معانا ف السهل
واللامة بمحبة تظهر
وغيوم سما علينا تهطل
كانت لخواطر هنا تجبر
كان البو الراعي مول الدار
كان الناهي مول الكلمة
لتكلم بالفايدة اسرار
كانت لمودة والحشمة
كان بونا لينا زين لخيار
كان دم يجمعنا بالبسمة
وتغيرت لخواطر ولمكان
بعداوة جمعنا طار مظهر
ونسى الفرد العشرة والانسان
وعلى بغة مشا راح وهجر
وتبدل ماكان ف النسيان
ونسينا الماضي الحب بجهر
ياوعدي فين صفا ليالي
غمضنا ولمكان نسيناه
فين لوكر الدافي والبالي
بهجر ياسيادي هدمناه
مازال ربيع لعمر في بالي
وحنا للي عبير الدار منعناه
//////+++ بقلم صقر الحروف الزجال بوسبولة المحجوب +++//////
ليست هناك تعليقات:
إرسال تعليق