...........
وحيد محروس
...........
( أمي الحبيبة )
ياامي ياحبيبتي
ياحضن دافي وحنون
ياقلب دايما بيسامح
ولا يعرف يوم يخون
أنا مهما تعبت ليكي
كله في حبك يهون
وإن يوم زعلتي مني بااوصل حد الجنون
وكل مابشتاق إليكي
بأطير واجري عليكي
وإن مرة تعبني زماني باارتاح في حضن عنيكي
وارتوي من عطفك تاني وادعي ربنا يخليكي
ياسبب سعدي وحنيني ياشمعة تنور سنيني
الحياة في بعدك مرار والضحكة منك تحييني
خليكي ليا ونيس
واسمك في تكويني
ولا يهمك ضيق الحال
دوام الحال محال
بكرة جاي باامال
تجنيها بايديكي
حالف أكون ضحكة تسعدلك أيامك
وتنور كل حياتك
وتمسح دمع عنيكي
وإن دار الزمن بيكي حضني يكفيكي
جميلك فضل ودين وهاعيش خدامك
وصاني المولي وقال
الجنة تحت اقدامك
ويالي أمك جنب منك حافظ عليها وودها
مهما الناس راح تحبك
مش هتحبك يوم قدها
ومهما تتعب ليها وتشقي عمرك ماتوفي حقها
واوعي تنسي لحظة إنك طرح حنانها وعطفها
وإن الإله جل علاه أمرك تصونها وتبرها
بقلمي / الشاعر وحيد محروس
ليست هناك تعليقات:
إرسال تعليق