..........
شد الرحال
من ديوان ولسه بحلم بفجر
للشاعر مصطفى فريد
......
شد الرحال
فارق قوام قلب السكوت
إنطق وفوت
إياك تبص فى يوم وراك
وتودع الشوق اللى ساكن
جوة طوق الذكرى
أو بين البيوت
أى لحظة خوف فى قلبك م الزمن
هتأخرك
وتسخرك
ماتعيدش ماضى راح خلاص
ولا يوم تفكر توصله
لو كان ضعيف
ولا تفتكر
إنك بحلم عبيط هتوصل للسما
وتحدى فوق عصرك لعصر المعجزات
إسمح لى اقولك
يبقى تفكيرك غبى
لا كنت يوم فينا نبى
ولا كنت يوم م الأوليا
قوم إنتفض شد الرحال
إنسى اللى فات
شق قلب الخوف وهات
من جوفه حلم المستحيل
ليست هناك تعليقات:
إرسال تعليق