ديوان أكاليل الإلكتروني لسفراء القلم

بقلم


Mohamed Hasanin
***************
احلف بايه تانى فيكى<br>
طب ايه ياغاليه يرضيكى<br>
احلف بالارض ولا العرض<br>
ولا السد<br>
اللى بيحميكى<br>
احلف بالمزارع ولا بالمصانع<br>
ولابالود<br>
اللى عينه عليكى<br>
احلف بالجبال ولا بالشوارع <br>
ولابالزهور<br>
ولا بحواريكى<br>
احلف بالشجر احلف بالمطر<br>
ولا بليالي السهر<br>
احلف بالنيل اللى بيروى<br>
الجميل اللى بيسرى<br>
منه للعشاق بالليل وبدري<br>
امسك ايد واغازل واحلف ان انا المصري<br>
اول فجر فالكون كان فجري<br>
اسالوا الفرعون من بدري<br>
مين بعد ربي الا المصري<br>
احلف بايه غير للي سلمت له امري <br>
احلف بالسما الصافيا<br>
بالامهات واحضانها الدافيا<br>
احلف باللى ضحى بروحه عشانك<br>
مش غريب مهو شارب من حنانك<br>
احلف بالجيره ولا العشره<br>
ولا احلف بدم الشهدا<br>
مخلوط محنى الارض الصفرا<br>
ولااحلف بالحسين والسلاله الطاهره<br>
ولااحلف بالمسيح وبستنا العذرا<br>
احلف بالجوامع ولا بالكنايس<br>
ولا بمحمداللى راضع من تريزه وازيس<br>
ولااحمداللى طالع لأخوه موريس<br>
احلف بالارض اللى موحدها مينا<br>
ولااحلف بتحريرنا لسينا<br>
ولااحلف بالخير اللى مستنينا<br>
احلف بايه تانى فيكى<br>
احلف بناجي اللى قام من ع الكرسي<br>
قعد بنت تعالى هنا يااختى<br>
ولا الواد اللى شافها معديه<br>
شايله محنيه<br>
جري باس ايديها حطى على<br>
احلف بالغنى اللى على ماله غفير<br>
بيدي المحتاج مكفى كل فقير<br>
احلف بايه تانى فيكى<br>
ايه ياحلوه يرضيكى<br>
احلف بالعريس اللى بدمه يحنيكى<br>
ولا بامه اللى قالت يامصر كلنا نفديكي<br>
حبست دموعها وبتردد وبتغنى غناويكي<br>
ولا بعروسته اللى لسه يدوب بفستانها<br>
كان نايم جوزها فرحان دفيان باحضانها<br>
ولما قولتى وناديتى قام لبي نداكى<br>
بتصرخ ابنى اللى ف حشايا<br>
غالى على غالي ياضنايا<br>
ح يكبر وينحني ليكى <br>
وان فردتي اديكي <br>
هو برضه يحنيكى<br>
واقف فالطبور مستني دور<br>
يدافع ويستشهد فيكي<br>
وحالف يلف الكون يلف يدور<br>
يقول ان الكون بدء من نور عنيكي <br>
اشعار/محمدحسنين<br>
عاشق طين بلدي<br>