ديوان أكاليل الإلكتروني لسفراء القلم

بقلم
ناصر عطى

حلامنا هى الكدابة؟؟؟
ولا أحنا عايشين فى الغابة؟؟؟
الناس بتاكل بعضيها
كلاب تعضعض فى ديابة

آدى الحياة يومك يومك
ولاحد حاسس بهمومك
عايش حياتك بالعافية
والناس تقطع ف هدومك

شباب كنتاكى بيغنى
والدنيا عايشها تجنى
يخطف ويجرى و يتخانق
ويقول خلاص فكك منى

اصحى وفوق واسأل مالى
وبلاش تلووم على حالى
أصل الحلال مش بالساهل
ومصر غنوة فى موالى

الدنيا عمرى وسنينك
والشوق حنينى وحنينك
لازم نخاف على بعضينا
الله معايا ويعينك

شوف الاسير فىى الزنزانة
محبوس مقاوم سجانة
وسط الالم وسط الاجرام
لاخاف قيود ولاترسانة

بفكر واحد ....لاأسالم
واثق بربه بيقاوم
تهديد يودى وتانى يجيب
القدس حلم المتحالم
شدو معايا الايد فى الايد
الكلمة واحدة مش هنزيد
القدس عاصمة عربية
والاسرى أحرار بالتحديد