ديوان أكاليل الإلكتروني لسفراء القلم

احمد طلبه
////////////////

مجروحه
الذكريات مع كل دمعه.
بتحكي عنها
بصرخ وانا من جوه سمعه
وشايله منها
ولا أي حد من الحبايب
حس بيا
ولا حد قال في مره وحده
. الله يعنها

مجروحه من حبي اللي راح
موجوعه منه
مش قادره أستحمل جراح
البعد عنه
أنا كنت فاكره إني فعلا
حته منه
مش واحده بعد العمر كله
تروح لحالها
========
في كل ليله تمر قلبي
يحن ليه
مش قادره أستوعب وأقول
مصدومه فيه
رغم إني حبيته لكن
مصعبتش عليه
وسبني بسهوله

وكأني. واحده ف حياته
محسهاش
ماانا اشتريته
وهو بعني وبلاش
لكن دا فيا الذكره عايشه
مابنسهاش
ولا عمري هنساها
بسهوله
========
أنا خايفه أتكلم يقولو
عليا خايبه
ويقولو علقت روحي
بحبال ودايبه
طب اعمل ايه والله لسه
بحبه دايبه
غصب عني

مهو اللي بيحب حد
ميكرهوش
يمكن نسيني بس لسه
انا منستوش
ودي ذكرياتي وحب فيا
مخبتوش
لكن ذليلني
========
هفضل كدا يمكن يوم
انسا اللي فات
يمكن أحس وأقول أكيد
هعتبره مات
راضيه إني أعيش مع ذكره
فيا ومن سكات
يمكن أفوء

يمكن أفوء
من جرح واجع
قلبي فيا
يمكن أفوء
من صدمه كرهه ليا
وأقول غرامه دا فعلاً
تمثيليه
وادي النهايه معاه
هي ديا
وبكره هفوء