..................
محمود فوده
.................
لو نظره
محتــــاج لعنيك لو ثانيـــه
النظره فيهم حـاجه تانيـــه
بتداوي في حـــزن ليالــــي
وبعيش دنيـــا غيـــر الدنيا
من بعد ما شوفته وشفنــي
من بعدهـا عيشت واتــاري
روحـــك كــانت توحشنــي
في خيالي الاقيك قدامــي
وسابقنــي في حلم منامـي
وبقــوم من نومـي اتمنـــى
تتحــقق يـــوم أحـلامــــي
حبــــك غيــرنــي يا غالــي
أحلـــــم فيــــــها وتبقالـــي
مـــن بعــدمـــا ضاقت بــيَّ
رجِعت تانــــي بتحلالـــــي
إوعى تغيب يوم عن عيني
لا انساك وتقولي ناسينـــي
متعلقه روحي في روحــك
فــي الحـب بقيت تعنينــي
حـــبك غيــــر حبك النـاس
حـــبك حـــب بــإخــــلاص
من نظــــــــرة عينــك لــيَّ
تملك قلبـــــي بإحســـــاس
مشتـــاق للــــي بيهوانـــي
إمتـه هيرجــــع من تانـــي
وف حضــن عنيــــه اطمن
إنه فـي يـــوم مهينسانــي
-----★-----
من ديوان على قد الشوق
بقلم الشاعر محمود فوده
ليست هناك تعليقات:
إرسال تعليق