.................
عزيز حجبي
.....................
*** الصبر كيدبر وكينور ! ***
*** قصيدة زجلية
قالو ناس زمان ،
قلت ليهم ،
والصبر كينور !
الصبر كيدبر ،
إلى جا من عند ،
بنادم ديال الهيشر،
اللي بالنعمة يكفر ،
ويقدر ينيل ويفتت ،
وخا الإنسان ،
يكون من لحجر ،
و الصبر كينور ،
إلى جا الإبتلاء ،
من عند رب البشر ،
اللي كيقسم و كيقدر،
اللي كيختبر عبادو ،
باش يعزل و يتخير ،
اللي غيقربو و يقدمو ،
واللي فيهم غيوخر ،
ماشي بنادم ديال الهيشر،
اللي كيقوليك اصبر ،
باش يخدر و يوضر ،
ويولي هو مول,
الحل و الامر،
اما مولانا لكريم ،
ملي كيقوليك اصبر،
باش يجازيك ،
ويعطيك اكثر ،
وباش يوليك وينصر ،
وباش يرفعك و يرقيك ،
فوق ما تتصور !
ت) عزيز حجبي
ليست هناك تعليقات:
إرسال تعليق