................
عبد الستار جابر هاشم الكعبي
......................
بائع البلبي
***
يلـبـلـبي يـلـبـلـوب كـل وكت أنته محبوب
***
يلـبلـبي يـــا طــيـب لـلـنـاس أنـتـه حبـيّـب
***
يلـبلـبي طـعـمـك تـيـن جبـناه مـن الـبساتـين
يِشْبعْ وكـلـه بـروتيـن رقمه طلع بالحاسـوب
***
يــلــبــلــبـي يـــبــلــــوه حـبـك بــلانــه بـلـوه
مــا خـلـه عـدنــه كـروه ولاربع ظـل بلجيـوب
***
يـلـبـلـبـي يــريــشــه ويــاك تـحـلـه العـيـشـه
هـسه أجـيـب الشيشه وتـرسها هـيّـه والكوب
***
يـلـبـلـبـي يـمـعـسـول مايـك يـطـيـب المنشول
إشـربه وآني المسؤول هم بعد آني مطـلـوب.؟
***
يـلـبـلـبـي يــبــلــوه جاك الـحلـو والـحـلـوه
يمشون هيه وهـوه بالساعـه وكت الغروب
***
يـلـبـلـبـي أكـلـك زاد مـن عـنـده آخـذ مـراد
حـته أروح الـبـغـداد ومـشـي بـكـل الـدروب
***
يـلـبـلــبي يـهـايـــل يـمـشـغـــل الـمـعـامــل
بـالـكـبـه والـفـلافـل وبالقيمه أسمك مهيوب
***
القصيدة فكاهية باللهجة العامية العراقية
عبد الستار جابر هاشم الكعبي
العراق
ليست هناك تعليقات:
إرسال تعليق