.................
نذير دهان
..................
(((بسسسسسسيطه بتفرج)))
***************************
طل الحبيب اسم الله عليه
مطرح ما يمشي يرش زهور
بسمة أمل تلمع بعينيه
جايه وجايب الخير بإيديه
قولوا للقهر يبعد ويغور
***************************
حبيبنا متلو تلاقوا فين
أبدا لا يمكن متلو يكون
بدق القلب ساكن بالعين
هادي كريم وقلبو حنون
طوول غيابو إيه وبعدين
دبنا ماعاد في عنا صبور
***************************
اسمو راتب وصرخ انا جيت.
بدي أرتب معيشتكم
سمعتو حالا من فرحي بكيت
وهتفت تعيشوا سيادتكم
ركضت وراك ت حتى احفيت
واقول يافلك بحياتك دور
***************************
هادا الغلا قاسي وجبار
ياما رجيناه هدي شوي
أندبح المواطن بالأسعار
حرام عليك والله اخطي
عبس بوجهي وقاللي انذار
لازم تكونلي عبد شكور
***************************
ضبوا الكلام وكونوا حلوين
ياولا بدي عليكم أجن
رشوا عليي الرياحين.
وخلوا الطبول ترقع وترن
ياوللا أقول على بالي يعن
أروح اخللي الفقر يجور
***************************
عيشة زفت وحياة قطران
والعت يرعى بكل مكان
قالولي هدي لكلشي أوان
ضبضب همومك والأحزان
ابشر ياعمي رح تنعان
جاييك خير ع جناح غربان
(((بتفرج ولكن بدها اصبور)))
***************************
شعر ؛ نذير دهان
ليست هناك تعليقات:
إرسال تعليق