................
المحجوب بوسبولة
.................
////////++لمة تجمعات++////////
لمة تجمعات على المايدة
مانسات الميعاد والفايدة
اصغار وكبار بسمة ف لوجوه
بنت والولد من كان صغير بوه
هذا يغني فرحان جانا
هذا يبكي لا مانسانا
ياك فرحة ومسرة بلورود
كيف كانت لمة دوك جدود
اتكلمت بيهم ديك لحروف
وللي شناه كان زمان مالوف
خلقت لينا سر لقصيدة
والبسمة لحلوة جديدة
ونسجنا لمحبة كيسان
وغزلنا بالقرب سر لحضان
فرشنا زرابي حديث ليام
سرجنا خيول سر لكلام
والبراد كان سيد جمايع
شلال نعانع بشكل رايع
وحش خاد منا شلى وكثير
لوز وكركاع وزيد الخير
مانسينا لحباب والجيران
حثى حد ماكان ف النسيان
غطينا ود الدفءبقلوبنا
حركنا الفرحة نبض جدودنا
بقلم صقر الحروف الزجال المحجوب بوسبولة
ليست هناك تعليقات:
إرسال تعليق