ديوان أكاليل الإلكتروني لسفراء القلم

 .................

عصام السعدني.

..............

( رسالة غرام )

بعت قلبي بشوقي في رسالةغرام...

قلت أطمن عليكي قبل ما ف حضنك أنام...

وحنين كتير مع قلبي كان جوه الرساله...

حبة كلام ايشي غيره وشوية ملام...

وقولتله إوعي تسيبها من غير ابتسامه..

والفرحه ماليه عيونها والضحكه تمام.

( وقولتله )

وإنت راجع من هناك ؟؟؟

هات لروحي حاجات معاك...

هاتلي ورده من خدودها...

أعصر العشق إللي فيها...

واعجنه مع عطر إيدها...

وادهنه بروحي إللي دايبه من عنيها.

واشربه بصمت الكلام.

وإنت راجع من هناك؟؟؟

هات معاك حبة حنين..

هات كمان حبة أماني مخلوطين...

من غصون شفايفها بالشوق مليانين...

جيبلي نظره من عيونها الطيبين...

نجمه من أحضان سماها...

حتي لو فيها الغمام...

وإنت راجع من هناك؟؟؟

هات معاك..

حفنة أمل علي كف شوق...

بوسلي كراكيبي إللي عايشه معاها فوق...

طفي لهاليبي إللي أصعب م الحروق...

قول لدباديبي.. تهدي ليه شحنة هيام.

وإنت راجع من هناك؟؟؟

هات معاك ...

رقه من محراب كيانها...

هاتلي شهد من لسانها...

هاتلي راحه من مكانها...

م الخشوع إللي في اذانها ...

وزكري من قلب المقام...

وإنت راجع من هناك؟؟؟

هات معاك ...

خصله من نبض اشتياقي...

وصله من عمري إللي باقي...

سيره من أركان قصوري...

صوره من ألبوم عصوري...

ربما فيهم ألاقي..

شئ ينسيني إختناقي ...

يشفي وجدان الآلام.

وإنت راجع من هناك؟؟؟

هات معاك...

قصقوصه من قصاقيص حكايتي...

برقيه من صندوق بريدي...

قول لها إني عرفت غايتي...

وإنتي دمي إللي في وريدي...

ومش بإيدي...

اختار نهايتك أو نهايتي...

إللي بيننا ليه أكيد رابط ووازع...

والأكيد من غير منازع...

فرق شاسع...

بين غرامي وبين روايتي..

وإني أكون للهجر راكع...

واقطع الحبل إللي منه كانت بدايتي..

إنتي يرضيكي إني أكون للود قاطع...

ده إنتي بالنسبه لحياتي نبض ساطع ...

وإنت شريان الحياه وسبب وجودي..

نبض قلبك بيه هعيش ميت ألف عام.

وفي النهايه هقولك إن مفيش نهايه...

لسه ما خلصشي الكلام...

بيكي تكمل الحكايه...

وتنتهي بخير وبسلام...

والسلام مسك الختام.

بقلمي/ عصام السعدني...