.............
محمد الاشقر
...........
** مسحراتي الوطن. ( الحلقة 25 )
مسحراتي مصحياتي
كلامي حصري
وبلهجة مصري
لكنه عربي ومن جوا ذاتي
إصحا وصحصح ..وافهم لغاتي
دا كلامي محشي بمكسراتي
خمس خمسات مرت ياشهر كريم
خمسة من العشر ولّت مع العشرين
هنيئاً لمن صامها وقام مع الساجدين
ياليلة هلّي بالعدل عالمظلومين
ونورك يبدد ظلام الظالمين
وفجر عدلك يمسح كل دمع حزين
أنا زرعة عُقُول يمّا .. ليه جناتيني
ومن زرعك عَقُول .. ليه جنا تيني
طرح الوجع مر .. وانا إيه جناتيني
غرستك بقلبي حلم ..يابلادي جناتيني
إصحا يانايم .. إصحا يا غفلااان
إحنا انتصرنا لما اتحدنا وكنا اخوان
كان العلم واحد..صبح العلم ألوان
ألوان وأجناس .. لكن أصلنا واحد
والدمع لو يختلف..يبقى الوجع واحد
والأقصى واحد .. لكن من خانوه ألواان
أنا مسحراتي الوطن ..راجع لكم بكرا
شايل فانوس العروبة للعرب ذكرى
إصحا لكلامي ودايما ليلاتي
دا كلامي محشي بمكسراتي
مع حكاوي المسحراتي
بقلمي/ محمد الاشقر
كتاب مسحراتي الوطن(دار بردية للنشر)إيداع 2019/7584
ليست هناك تعليقات:
إرسال تعليق