.................
بوسبولة المحجوب
...........
////////+++ اتوحشت جمع +++////////
اتوحشت جمع حبابي
والعيد الجاي ف طريق قريب
والجلسة الزينة مع صحابي
والسينية وعبير الطيب
والفرحة تتسارى وتزيد
والبسمة ف قدومها بشارة
والنسمة حاملة حلة العيد
ياحسرة فين ناس لخيارة
واش نسانا علينا تغرب
ديك اللمة معانا مخاصمة
عوج طريقو ومنا اهرب
خلانا بين سحاب وغمامة
ربي يالعالي فاجيها
ارفع علينا ضبابة الغم
الطافك ربي ناجيها
زول بسماحتك اسرار الهم
////////+++ بقلم صقر الحروف الزجال بوسبولة المحجوب +++////////
ليست هناك تعليقات:
إرسال تعليق