...............
أحمد خلف الحامدي
............
ثياب الأدب
ياللى فاكره لبسك حريه
ولبسك وخداه عياقه
ياريت تتحشمى وتنسيه
دا الشباب ليها طاقه
...
إيشى المحزق والشفاف
والبضى من غير بلوزه
والشريط إللى عالكتاف
وكل ده مالهوشى عوزه
..
والجينز لبساه مطاط
والجزمه أم كعب عالى
ساعة يشوفه الشاب شاط
حاجه ما كنتشى على باله
...
كل ده إلا الفيزون
ليه حكايات ويا روايات
يوم ما ظهر فى التليفزيون
أشترته كل البنات
..
عشان تقول بلبس عالموضه
وميهمنيش لو بالدولار
وأحط رجل على رجل عوجه
ولا يهمنى حتى الكبار
..
وأم شعر صبغاه نبيتى
والنظاره فى وسط الراس
وواخده الشارع شيتى بيتى
دى بنت تيتى بدون إحساس
..
خليتى إيه للأمريكان
لما الشباب عليكى إتلم
قلدتى الغرب وتقولى كان زمان
ياريت تخلى عندك دم
..
................. شاعر الشعب أحمد خلف الحامدي............
ليست هناك تعليقات:
إرسال تعليق