.........
الشاعر طاهر مختار عتيت
..................
تفتكروا بكده هانرتاح ف حياتنا نخون ونغدر ونزعل أصحابنا
كان فيها إيه لو صونا شرفنا وكرامتنا وحافظنا ع العشره آللي بتجمعنا
وعنينا ع غيرنا طاله ومش عاملين حساب للعشره آللي بينا والأيام الحلوه من يوم ما إتوالدنا
مانكافح ونثبت وجودنا ونبعد الشيطان عن طريقنا ونختار آللي يناسبنا
ونحافظ ع حبنا لبعض وإحترامنا ونفضل زي ما إحنا لكن هي دي طبيعتنا
نكره لما نشوف حاجة حلوة ف ايد غيرنا ونفضل نفكر ازاي تكون معانا وملك ايدنا
ع حساب أي شخص حتى لو عزيز كان ف يوم بيسعدنا وعمره ما ف يوم غدر بينا وخداعنا
ونشوف دموعه لكن معدومه المشاعر بالنسبالنا ومافيش إحساس يرجعنا زي ما كنا
أهم شيء الرغبه والمتعه الجنسيه آللي أصبحت شئ أساسي ف حياتنا
ونواجهه أعز أصحابنا بكل برود وفلسفه فارغه كانت دافع لإنفصالنا
وقدامه نبرر موقفنا وف الأساس الخيانه بتجري ف عروقنا
ونفضل نرسم خطه عشان نستولى ع حاجة غيرنا مره باتصال ورنه ومن وراهم ننفذ رغبتنا
ونكون سبب ف إنهيار أسره كامله بعد ما ربنا جمعنا وحقق حلمنا وهدفنا
بسهوله ندوس ع العشره وننهي كل شئ بكلمه بتكون دافع لإنفصالنا
والفرحه ماليه قلوبنا وغيرنا بيبكي مع الرغم عمره ف يوم ما ظلمنا
دي دنيا زايله ومش هانخد غير نصيبنا حتى لو خالفنا ضمايرنا
هايجي يوم علينا ربنا فيه ويجمعنا ازاي هانداري عيوبنا وأخطأنا
ونبرر موقفنا قدام آللي خلقنا احنا ماشين ف سكه النهايه فيها أصبحت مش سلكه وهاضرنا مش هاتنفعنا
واحنا آللي بنحدد مصيرنا وهانشوف بعنينا قد ايه غلطنا وظلمنا غيرنا
عشان كده لازم نراجع حسابتنا ونعالج عيوبنا قبل الموت ما يفاجئنا وتنتهي أيامنا
شاعر العصر صاحب كلمه لها مضمون ومعنى يفيدنا و ينفعنا بقصيدة جميلة تنال إعجابنا
وتحسن دايما من أخلاقنا وتذكرنا باللي خلقنا وداوي همومنا و أوجاعنا ويرسم السعادة داخل قلوبنا
الشاعر طاهر مختار عتيت
شاعر العصر... تحيا مصر
طنطا.... كفر الزيات.... أكوه الحصه
ليست هناك تعليقات:
إرسال تعليق