ديوان أكاليل الإلكتروني لسفراء القلم

...........

 محمدمحمود

.............

وبتعذب ف ناس عايشه
عشان روحك
قلوب مليانه بمحبه بتندهلك
وعايشه تداوى
ف جروحك
مابين الحلم والنوم
حكايتك وهم
ماتزعلشى بقولك جد
فات السهم
وف الغفله اديلك عمر مستنى
ومش فاهم
عشان واهم..
وصدقنى أنا بنصح
وليك مطرح
ف جوايا عشان بفرح
ف يوم قربك هنا جنبى
ولو تعرف
يوماتى القلب بيفكر
وفيك يسرح
مانا مغلوبه من صغرى
على حبك
مابين القلب والقلب
ميعاد وقديم
ياريتك بس تفهمنى
وقول يارحيم
ف بكره الصعب هيهون
ويملا عيونا بالفرحه
سنين طارحة
ف أحلامى كلام مجنون
سنين والقلب بيك مفتون
ولا فاهم
بقولك انت ليه واهم
وعايش ليه بعين غيرك
وقول لى حاجة ف تفسيرك..
وتأثيرك خلاص فايت
معادشى خلاص بيسرقنى
وصدقنى
هتبقى بداية المهزوم..
يكون معلوم..
دى آخر مره وهقولك
لحاجة وانت اسمعها..
ملامحى خلاص تودعها
وانسانى مانيش جانى
وبيع تانى..
عشان الجرح يستوفى..
وتستكفى
وتبقى خلاص ودى نهاية
الشاعر محمدمحمود