ديوان أكاليل الإلكتروني لسفراء القلم

.............

 صبري رسلان

............

شبيك لبيك

.................

وحياة الحب

اللي فى قلبي

وحياة الجرح اللي قسمني

ما هسيبك تتهنى في بعدي

وتنااااام لياليك ..

وحياة أحلامي اللي نسيتها

وحياة الفرحه اللي داسيتها

أحزان معاليك ..

هربط لك قلبي بمنديلي

لا يشوفك ولا تهمس عيني

تشتاق و تجيك ..

إحساسي خلاص هلغي وجوده

ما قطفت الورد رميت عوده

ما صعبش عليك ..

الشوق هيجيبك هيجيبك ..

وعيوني دي حالفه ما هتسيبك

بدموعها تطفي في مراسيلك

ولا تسأل فيك ..

على بالي بتسهر مستني

ندمان وهترجع طوع قلبي

لا يهمك ناس ولا هتخبي

دمعك في عينيك ..

إحساسك بان كده حسيته

لا أقدر على بعدك ده نسيته

شبيك لبيك جرحي داريته

كده تاه في عينيك

وأنا ملك أيديك ..

بقلم .. صبري رسلان