ديوان أكاليل الإلكتروني لسفراء القلم

.............

بقلمى/نور الحمصانى

.....................................

***♥فى حب مصر♥***
بحبك يا بلدى
مش كلمه وخلاص
ولا سطر مكتوب
في قلب كراس
بحبك ده معني
ليه ف قلبى علامه
وأنا ليكى كلى إخلاص
بحبك مش وصف كفايه
أنتى أصل كل بدايه
ترابك ليه ألف حكايه
ده إسم مخلوق جوايا
إسمك ليه معني
فى الفرح يا مصر يجمعنا
وفى الشده والله يقوينا
صورتك مرسومه فى عنينا
والخضره دايماً حوالينا
أنا شايفك فى ولادى كمان
وفى الصحرا وف كل مكان
يا مصر يا عز الإنسان
يا بلدى يا أرض الأبطال
أنا شايفك نجمه ف بستان
يا بلدى ولادك احرار
أنا ليكى إسم
وانتى ليا كيان
بحبك يا مصر