ديوان أكاليل الإلكتروني لسفراء القلم

..................

احمد طلبه

............................

واحده بارده
الحكايه لقلب عاشها
اصله كان حالف يصون
وهي لما بجد شافها
حس معني ازاي يكون

أصل عيبه دا حبها
ولا يعرف اصلها
بس اخرته منها
كان في يوم لازم يهون

قلبه ساذج في المعامله
هي استاذه مجامله
إنطوائي بروح مسالمه
كان حاببها وبجنون

هي صعبه وهي شارده
للحقيقه اكيد معارضه
هي فعلاً واحده بارده
شرها عدا الظنون

عينه ليها بس شايفه
أصله كان أخلاقه صافيه
كان مجرد حاجه هايفه
وسط ألف من العيون

اللي كان عايز رضاها
واللي كان مجنون هواها
بس إيه اللي في هواها
شايفه بس ازاي تكون