ديوان أكاليل الإلكتروني لسفراء القلم

بقلم

الجوهرى عبدالله

/انتهينا\

ايه غيّرك
ايه بدّل الاحوال
بعد كل الحب ده
ندوق م العذاب الوان
ايه اللى وصلنا لكده
مين ابتدى..
واذاى بالشكل ده
ينتهى بينا الحال

مش هو ابداً..
ده السؤال
والاجابه الغلط..
نرمى على بعضنا..
اخطأنا.وذنبنا.
والعيب فينا..ومننا
ونشتكى الزمان

احنا طفينا..
شمعنا بإيدينا
وعلى غرامنا..جنينا
نسينا الصفا
وف حضن الجفا اترمينا
واستسلمنا للخصام
حصاد الشد والجذب
قطع حبال الود
بين الصد والعند
خلص الكلام

كل فرصه كانت تجينا
نرفضها..فى الحال
لما ضاعت..كل..
احلامنا..وامالنا
واتسرسبت..
من بين إيدينا
والعشره هانت علينا
والحب..استحال
الرجوع اصبح محال
انتهينا..انتهينا

جوهريات