..................
السيد علي القن
...............
(( عباس والعندليب))
بكيت قوي
ودموعي سالت
لما قرايت قصة حليم
وساعتها كان
حليم ده سايق
واصطدم بنبطشي
قال م المرور
ماكانش يعرف عب حليم
سأله سؤال فين رخصتك
هو انت مين
رد عليه عب حليم
انا عب حليم
وصيت زايع
ف البلاد
مش عارفني
طب بص شكلي
ولا ملامحي
تعرف بأني
عب حليم
قال الشاويش
لو كنت صح عب الحليم
غني لنا حاجه قول يا ليل
وعنها غني عب الحليم
امرك ياسيدي
ياسيدي أمرك
حس الشاويش
عباس ياهوه
بورطه جامده
فكر وقال
طب اعمل ايه
فنان كبير يعرف كتير
من بيه لباشا أو وزير
شورطك هباب
وانت شاويش
عباس حلف
مايفوت حليم
الا ان حلف
له مية يمين
يسامحه عن
فعله السخيف
عباس ظريف
دمه خفيف
بعد المحايله
وعده حليم
وعد صريح
وكل يوم
نفس الميعاد
يوماتي يمر
عب حليم
يرمي السلام
عباس تمام
ايوه تمام
يا عب حليم
وف يوم كده
عباس طلب
منه طلب
ميل عليه
يا عب. حليم
محتاج فلوس
يادي الكسوف
لا مش فلوس
امال في آيه
قول قوام
هتقولي ايه
انا عندي بنت
دخلتها بعد بكره
ع الخميس
ونفسها تفرح
تفرح تهيس
ويا العريس
واتباه بيك
ياعب حليم
معقول هتيجي
و تغني ليها
يا عب حليم
وعده حليم
ويوميها حضر بدلته
ومعاها جاب هديته
علي بيته راح بعربيته
ونزل حليم ع اول
الشارع القديم
واتلمت الناس والجيران
العندليب العندليب
يانهار هنايابختنا
عبد الحليم جه عندنا
عبد الحليم ف حينا
عباس ماكدبش خبر
معقول تحقق حلمنا
والدمعه فرت من عنيه
والفرحه دقت ف البيوت
وفي ليله من احلي الليالي
غني حليم وسط الاهالي
وسهروا معاه والفجر لاح
عباس شكر عبد الحليم
انت اخويا وليك جميل
مرت سنين وف يوم حزين
عباس سمع وفاة حليم
فجأه اكتأب عباس تعب
حلف يمين ما يفوت حليم
ع قبره راح جالس تمام
يقرأ له ف القرأن كمان
ويرش ميه وورد شان
وشويه مات عباس كمان
دفنوه بجانب عب الحليم
وادي حكايه من الزمان
ف الحب والاخلاص كمان
جبر الخواطر شئ جميل
كلمات الشاعر / السيد علي القن
ليست هناك تعليقات:
إرسال تعليق