ديوان أكاليل الإلكتروني لسفراء القلم

..........

أحمد الكندودي

.........

***زجلية مغربية تحت عنوان:

***يا صاحبي

يا صاحبي، نوصيك ما تَديها في حَدْ

زمانْ شايطة هذا،أوْلاد لْعَزْ فيه ضاعو

يا صاحبي إياك من البندير إلى تْجَلد...

في عُمْق لَهْنا ؤُلْْحَكمة يكثارْ صْداعو

لْجَوُوْ غْيام ؤُ حَالو مريض كْحَلْ مْلَبًدْ

الخَاوي ل فيه،هو لِصْبَحْ راكب شراعو

الهرج والمرج وَلْْكُنْه حْبيس ظلو مْقَيد

غابة وَلاً هاذ العالم ، فيه سادو ضباعو

الخبث والغفلة والذلة وَلاًتْ كْتاب مَجَلد

فْصولو ضَر، وَلقْيح ؤُنْفاق ساكنين قاعو

لْحابلْ ساح ْع النابل والجرو ذْليل عَرْبَد

وفي الركنة ، لَوًات لَكْلاب للسبع دراعو

اه يا صاحبي نزيد نوصيك ومني استفد

فالصفصاف الشاهق خاوية هي فراعو

وهذا راه زمان اللهفة والذلة وتقبيل اليد

راسي يا راسي وكلها بلْواسظة لَ بدراعو

يا صاحبي، نوصيك ما تديها في حَدْ

زمانْ شايطة هذا،أولاد العز فيه ضاعو

***الشاعر والزجال: أحمد الكندودي***المغرب***