..... فالح حسن عبد الجابري.....
لبستك قوافي
___________
ما ظلت مكانه ابكَلبي بس آخــات
من ايدك ما جرا يلتظل دوم
ادور
لبستـك قوافــي طــوكَـ نجــــادات
وعبرتك اخياضه اشما نلاكَي
ابحور
بس أنته بثورتـك راكب الكلفــات
وما بين السطور اتضيع
ألمسطور
حسبالك حياتك لابسـه الرغبـــات
ما تدري الحياة بركان بيها
ايفور
كَتلك هيد ريض وك بلا طـفرات
ترا الطفره تموت لو تظل
مكسور
خفف همتـــك يلراكب الهمــــات
ركزعلى اجدامك لا تكَع
بحفور
هاي الكَاع تغدر حاويه العثـرات
تحذر حيل منها وابعد
المحذور
ترابيهه عجايب حشمة الحلوات
وابمنطق التافه ضايع
المغدور
وبعرف المصنع تشتغل جـيلات
واطيح الزلم باطراف ذاك
الهور
بس وين الثقافه او وين لديـانات
لتقويم البشر وينبني هذا
السور
___________________________
الشاعر/ فالح حسن عبد الجابري
____________________
8/7/2018م
ليست هناك تعليقات:
إرسال تعليق