ديوان أكاليل الإلكتروني لسفراء القلم

…………………

بقلم علاء عبده

………………….

كل احلامي
بحلم انا بالستر و لا امد ايدي لحد

لا تذلني الايام و احتاج في يوم من ندل
صعبه قوى و جدا كسرة الخاطر
و ذلة النفس

احلامي مشروعه و حقي اعيش انسان
حقي اعيش عمري و لا تذلني الايام
نفسي اعيش الفرح بشكل طبيعي
و ما اخافش من بكره و ما اخافش لو يجي

الخوف سارقني مني و لا عارف اعيش اليوم
من كتر تفكيري
ماشي طريق ضلمه و شمعتي قايده
و فرحتي باهته و لا شايف انا قدامي
من كتر تفكيري و كتر اوهامي

يا رب عندي امل تغير لي احوالي
و املي فيك كبير قادر على حالي
قادر في غمضه عين تبدل الاحوال
من الحزن للافراح

و يملا الفرح دربي و كل ايامي
و كل دي كانت هى احلامي.